Tottenhamklúbburinn á Íslandi reynir að útvega félagsmönnum sínum miða á heimaleiki Tottenham. Ef þú ert félagi í klúbbnum (búinn að greiða félagsgjaldið) þá getur þú haft samband við okkur á spursmidar(at)visir.is og óskað eftir miðum. Það sem þarf að koma fram er: Nafn, kennitala og heimilisfang, hvaða leik á að kaupa miða á, fjölda og hvar óskað er eftir að sitja ( ekki ábyrgst ). Þetta þarf að senda með góðum fyrirvara, sjá dagsetningar hér að neðan.

Klúbburinn pantar svo miðana og þegar staðfesting hefur borist er haft samband við þig og þú færð að vita hvað miðarnir kosta og hvernig á að greiða þá.  Þegar búið er að greiða fyrir miðana, færðu e-mail með upplýsingum um það hvar þú sækir miðana.

Nokkrar reglur í sambandi við miðakaup / miðapantanir.

1.  Skilyrði til að sækja um miða er að hafa borgað félagsgjaldið.
2.  Mikilvægt að það komi fram í pöntun nöfn, fæðingardagur og heimilisfang þeirra sem ætla á völlinn
3.  Ekki er hægt að fá miða á A-Leiki í gegnum klúbbinn ( Arsenal , Chelsea, Manchester United, Liverpool, Manchester City  & West Ham )
4.  Sækja verður um miða ca. 9-10 vikum fyrir leik.  Sjá dagsetningar fyrir síðustu forvöð til að panta á leiki.  Ekki er hægt að panta miða á leiki eftir að lokafrestur er liðið.  Engar undantekningar eru gerðar á því.
5.  Pantanir eru bindandi,  nema það sé látið vita áður en lokafrestur er liðinn.
6.  Ef hópferð er ákveðin á leik,  sem eru ca. 1-4 leikir á tímabili, gefur klúbburinn sér rétt til þess að nota þá miða sem klúbburinn fær í hópferðina eingöngu.
7.  Ef einhverra hluta vegna við fáum ekki alla þá miða sem við óskum eftir á WHL,  þá gildir reglan "fyrstur kemur, fyrstur fær", þ.e. sá sem pantaði miða fyrstur er þá fyrstur í röðinni og svo koll af kolli.
8.  Klúbburinn ábyrgist ekki ef leikir eru færðir sem keyptir hafa verið miðar á. 
9.  Ný regla var sett hjá klúbbnum úti í upphafi tímabils 2008-2009 að allir sem fara á völlinn verða að vera meðlimir í klúbbnum úti og sækja miðana sína í miðasöluna gegn framvísun skírteinis og skilríkja. Þetta þýðir að miðaverð er aðeins dýrara heldur en áður hefur verið. Aðeins greiðist fyrir þetta skírteini einu sinni á tímabili.

Hér koma svo dagsetningar á hvenær þarf að vera búið að panta á eftirfarandi leiki :  Miðað er við að pöntun sé komin til okkar í síðasta lagi á hádegi á þessum dögum.  Eftir það er ekki hægt að panta.

Wigan, 12. júlí.

Wolves, 26. júlí.

Aston Villa, 2. ágúst

Everton, 31. ágúst

Sunderland, 6. september

Blackburn, 13. september

Newcastle, 25. október

Fulham, 8. nóvember

Bolton, 29. nóvember

Stoke, 17. janúar

WBA, 7. febrúar

Blackpool, 14. febrúar

Birmingham, 28. febrúar