Tottenham tók á móti Stoke á White Hart Lane í leik helgarinnar. Þrátt fyrir slæm úrslit í Meistaradeildinni mættu leikmenn ákveðnir til leiks og uppskáru 3 stig, fyrsta sigur liðsins í síðustu 5 leikjum. Leiknum lauk með 3-2 sigri Tottenham en öll 5 mörkin komu í fyrri hálfleik leiksins. Peter Crouch kom Tottenham yfir á 10.mínútu og átta mínútum síðar bætti Modric við öðru marki og staðan því orðin 2-0 fyrir heimamenn. Fyrrum leikmaður Spurs, Etherington náði svo að minnka muninn fyrir Stoke þegar um hálftími var liðinn af leiknum. Tíu mínútum fyrir lok fyrri hálfleiks bætti Crouch svo við öðru marki sínu og þriðja marki Tottenham. En Stoke menn voru ekki hættir og Jones náði að minnka muninn í 3-2 þegar þrjár mínútur voru til loka fyrri hálfleiks. Í síðari hálfleik áttu bæði lið möguleika á að bæta við marki en það tókst ekki og lokatölur því 3-2.
Lið Spurs: Gomes, Corluka, Dawson, Kaboul, Ekotto (Gallas 90), Van der Vaart, Huddlestone, Modric, Bale, Crouch, Pavlyuchenko.
Ónotaðir varamenn: Cudicini, Bassong, Jenas, Rose, Sandro, Defoe.
