Tottenham tók á móti Newcastle á White Hart Lane í síðasta leik ársins 2010. Tottenham leikmennirnir voru staðráðnir í að enda árið á góðu róli og sáu vængmennirnir til þess að svo yrði. Lennon kom Tottenham yfir á 56. mínútu leiksins og Bale innsiglaði svo sigurinn á 81.mínútu. Í millitíðinni var Kaboul rekinn af velli eftir að hafa misst stjórn á skapi sínu og skallað leikmann Newcastle. Það kom þó ekki að sök og leikmenn Tottenham fóru með sigur af hólmi og héldu loksins hreinu í deildarleik í fyrsta skipti síðan á upphafsdegi leiktíðarinnar.
Lið Spurs: Gomes, Hutton, Dawson, Kaboul, Ekotto, Lennon, Modric, Palacios (Jenas 46), Bale, Van der Vaart (Crouch 72), Pavlyuchenko (Bassong 67). Ónotaðir varamenn: Pletikosa, Corluka, Kranjcar, Keane.
