David Beckham æfir með Tottenham

David Beckham hefur hafið æfingar með Tottenham og mun æfa með liðinu til 10. febrúar. Í augnablikinu er frí í Bandarísku MLS deildinni og undanfarin 2 ár hefur Beckham kosið að æfa og spila með AC Milan á meðan sú bandaríska er í fríi en hefur nú hafið æfingar með Tottenham. Mikið umtal var um að hann myndi mögulega spila með liðinu sem lánsmaður fram í mars en ekki hefur náðst samkomulag um það milli LA Galaxy og Tottenham og því mun hann einungis æfa með liðinu eins og staðan er í dag. Við bjóðum Beckham velkominn til æfinga og vonumst til þess að hann muni deila reynslu sinni með núverandi leikmönnum liðsins ásamt því að nýta tíma sinn vel hjá Tottenham til að bæta leikform sitt.