Miðjumaður Tottenham, Sandro er kominn með nýja klippingu sem hefur vakið mikla athygli upp á síðkastið. Frekar furðuleg klipping hjá manninum. Þess má til gamans geta að Sandro er farinn að æfa á fullu og gæti jafnvel tekið þátt í leiknum á morgun á móti Stoke City í deildarbikarnum.

BÓ

Tottenham gjörsigraði lið Liverpool í dag á WHL , lokatölur urðu 4-0.
Mörk Tottenham skoruðu Modric , Defoe og Adebayor 2.

Harry Redknapp gerði 10 breytingar á liðinu sem byrjaði í Grikklandi á fimmtudaginn var. 
Byrjunarliðið var á þennan veg :
Friedel – Walker – King – Kaboul – Ekotto – Kranjcar – Modric – Parker – Bale – Defoe – Adaybayor.
Varamenn : Cudicini , Bassong , Corluka , Giovani , Livermore , Pavloychenko , Van der Vaart.

Tottenham gerði jafntefli í gær 0-0 í fyrsta leik sínum í Evrópudeildinni.  Leikið var gegn PAOK Saloniki frá Grikklandi og leikið var í Grikklandi.
Harry Redknapp gerði 10 breytingar á byrjunarliðinu frá sigurleiknum gegn Wolves um síðustu helgi.
6 leikmenn í byrjunarliðinu voru 21.árs eða yngri.
Lið Tottenham þótti heilt á litið betra liðið í leiknum en bestu færin fengu Grikkirnir,  m.a.  misnotuðu þeir vítaspyrnu í fyrri hálfleik ( sem þurfti að endurtaka – skoruðu í fyrri spyrnunni ) og svo í lokin pressuðu Grikkirnir stíft að marki Tottenham og áttu skalla í slá.

Tottenham sigraði lið Úlfana á laugardaginn var á útivelli. Lokatölur voru 0-2.

Nýju leikmennirnir í liði Tottenham þeir Scott Parker og Emmanuel Adebayor stóðu fyrir sínu og sáu um fyrra mark leiksins.

Parker átti þá flotta sendingu á Adebayor sem skoraði af öryggi. Stuttu síðar innsiglaði Defoe sigurinn. Allt annað var að sjá til liðsins í þessum leik miðað við tvo fyrstu leikina á tímabilinu.

  .

Dregið var í Evrópudeildinni í morgun og var Tottenham í pottinum eftir að hafa lagt Hearts að velli í undanspilinu. Tottenham var dregið í riðil með rússneska liðinu, Rubin Kazan, gríska liðinu PAOK og írska liðinu Shamrock Rovers. Leikjaniðurröðun verður birt síðar.

Tottenham tilkynnti í gærkveldi að liðið hefði náð samningum við annars vegar Manchester City og hinsvegar Juventus um lán á leikmönnum. Emmanuel Adebayor hefur gengið til liðs við klúbbinn á árslöngum lánssamningi frá City. Adebayor er stuðningsmönnum vel kunnugur enda lék hann fyrir Arsenal áður en hann fór til City. Á síðasta ári var hann á láni hjá Real Madrid og skoraði m.a.s. í Meistaradeildarleiknum gegn Tottenham. Frá Juventus kemur svo hinn 21árs gamli miðjumaður Yago Falque. Hann var á láni hjá Villareal á síðustu leiktíð og stóð sig ágætlega þar en skiptir nú um umhverfi og verður á láni hjá Tottenham út leiktíðina.

Við bjóðum þá báða velkomna til liðsins og vonum að þeir blómstri á nýjum stað.

Tottenham tók á móti Hearts í síðari viðureign liðanna í undankeppni Evrópudeildarinnar á fimmtudagskvöld. Harry stillti upp afar breyttu liði og gaf hann ungum leikmönnum tækifæri til að sýna hvað í þeim býr. Meðal byrjunarliðsmanna voru Townsend, Fredericks, Livermore, Carroll og Kane. Leikmenn Tottenham byrjuðu leikinn betur en besta færið kom eftir ca hálftíma leik þegar Kane fékk dæmda vítaspyrnu á Hearts menn. Hann kaus sjálfur að taka spyrnuna en markvörður Hearts varði hana. Í síðari hálfleik komu Hearts menn sterkari til leiks, en hvorugu liðinu tókst þó að koma boltanum í netið og skildu þau því jöfn 0-0.

Tottenham heimsótti Hearts í fyrri viðureign liðanna í undankeppni Evrópudeildarinnar á fimmtudagskvöldið. Harry kaus að stilla upp nokkuð sterku liði, en athygli vakti að Jake Livermore byrjaði leikinn á miðjunni sökum meiðsla margra leikmanna. Hearts menn reyndust ekki erfið bráð í þessum leik og lauk leiknum með 0-5 sigri Tottenham og er liðið því komið með annan fótinn í riðlakeppnina, en seinni leikurinn er þó eftir á WHL að viku liðinni. Mörk Tottenham skoruðu þeir Van der Vaart, Defoe, Livermore, Bale og Lennon.

Robbie Keane hefur verið seldur til bandaríska liðsins LA Galaxy, og verður því liðsfélagi David Beckhams. Keane hefur ekki verið í plönum Redknapps um tíma og hefur ma. verið á lánssamningi hjá Celtic og West Ham. Hann gengur nú til liðs við Galaxy og þó að kaupverðið hafi ekki verið gefið upp er talið að það sé á bilinu 2-3m punda. Við óskum Keane góðs gengis í Bandaríkjunum og þökkum honum fyrir framlag hans til liðsins.

Heimasíða Tottenham klúbbsins óskar eftir áhugasömum pennum til að skrifa á heimasíðu klúbbsins. Þeir sem hafa áhuga senda póst á sigrunasta69(hja)gmail.com.