Tottenham lék fyrir um viku síðan við lið QPR og var leikið á White Hart Lane , heimavelli Tottenham.  Lokatölur voru 3-1 þar sem Bale skoraði tvívegis og Van Der Vaart setti eitt.  Tottenham liðið spilaði mjög vel í þessum leik að stærstum hluta og hefðu verðskuldað átt að vinna stærri sigur.

Tottenham sigraði lið Blackburn á sunnudaginn var með tveimur mörkum gegn einu.  Leikið var á heimavelli Blackburn , Ewood Park.  Bæði mörk Tottenham í leiknum skoraði Van Der Vaart sem hefur verið mjög heitur upp á síðkastið ( 5. markið í fjórum leikjum ).  Þetta var mjög erfiður sigur enda lið Blackburn ekki auðvelt heim að sækja.

Tottenham vann sinn annan sigur í röð í Evrópudeildinni þegar lið Rubin Kazan frá Rússlandi kom í heimsókn á fimmtudaginn var.  Lokatölur 1-0 þar sem Pavluychenko skoraði eina mark leiksins, og var það mark svo sannarlega glæsilegt.

Sigurganga Tottenham í úrvalsdeildinn tók enda á sunnudaginn var þegar liðið heimsótti Newcastle á St. James Park.  Lokatölur 2-2 þar sem Tottenham komst tvisvar yfir í leiknum.  Mörk Tottenham skoruðu Van Der Vaart og Defoe.

Bankinn var að senda út greiðsluseðla fyrir ársgjaldi Tottenhamklúbbsins á Íslandi.  Ætti að birtast í heimabönkum allra.   Þetta er auðvitað valkrafa í heimabankanum og kemur ekki til með að safna dráttarvöxtum eða öðru slíku.

kv

Birgir

Tottenham hélt áfram á sigurbraut í Ensku úrvalsdeildinni í gær þegar liðið sigraði granna sína í Arsenal 2-1 á White Hart Lane.  Þetta var jafnframt fjórði sigurleikur Tottenham í röð í Ensku úrvalsdeildinni.  Mörk Tottenham skoruðu Van Der Vaart og Kyle Walker.

Það styttist óðum í fyrsta "Derby" leikinn á tímabilinu.  Tottenham – Arsenal á sunnudaginn kl. 15.00 að íslenskum tíma.   Langaði að henda inn hérna smá upphitun fyrir þennan stórleik.

Tottenham vann sinn fyrsta sigur í Evrópudeildinni þetta tímabilið í kvöld.  Liðið lék gegn Shamrock Rovers frá Írlandi og var spilað á WHL heimavelli Tottenham.  Leikar enduðu 3-1 eftir að staðan í hálfleik hefði verið 0-0.  Mörk Tottenham skoruðu Pavlyuchenko , Defoe og Dos Santos. 

Tottenham heimsótti lið Wigan í gær og unnu þar sinn þriðja sigur i röð í deildinni.   Lokatölur urðu 1-2.  Mörk Tottenham skoruðu VdV og Bale. Með þessum sigri er liðið komið upp í efri hluta deildarinnar og eiga frestaðan leik inni á móti Everton heima.

Tottenham féll úr leik í deildarbikarnum á þriðjudaginn var.  Leikið var gegn Stoke City á útivelli og fóru leikar á þann veg að Stoke sigraði í vítakeppni 7-6 eftir að staðan eftir venjulegan leiktíma og framlengingu var 0-0.

Harry Redknapp gerði margar breytingar frá sigurleiknum gegn Liverpool og stillti upp ungu liði í bland við reynslumeiri leikmenn.

Næsti leikur liðsins er á laugardaginn 24.9 gegn Wigan á útivelli.  Vonar maður að liðið haldi á sömu braut í deildinni og verið hefur.