Tottenham tók á móti Manchester City í fyrsta leik tímabilsins, en þessi lið áttu í mikilli baráttu á síðasta tímabili um 4.sæti deildarinnar en þar hafði Tottenham betur. Bæði lið voru staðráðin í að byrja tímabilið vel en í fyrri hálfleik voru það leikmenn Tottenham sem réðu ferðinni. City menn gátu þakkað Hart fyrir að staðan var enn jöfn í hálfleik, en heimamenn voru í stórsókn allan fyrri hálfleikinn og fengu nokkur færi til að skora sem Hart varði, en einnig átti Bale skot í stöngina. City menn komu mun ákveðnari til leiks í seinni hálfleik og var leikurinn mun jafnari. Hvorugu liðinu tókst þó að skora þrátt fyrir góðar tilraunir. Leiknum lauk því með 0-0 jafntefli og deildu því liðin með sér stigunum.
Lið Spurs: Gomes, Corluka, Dawson, King, Ekotto, Lennon (Giovani 77), Huddlestone, Modric, Bale, Crouch (Keane 68), Defoe (Pavlyuchenko 68). Ónotaðir varamenn: Cudicini, Bassong, Kaboul, Palacios.
