Tottenham lék á laugardaginn sinn fyrsta heimaleik í Ensku Úrvalsdeildinni tímabilið 2012-13. Andstæðingarnir voru lið WBA sem m.a. sigruðu Liverpool 3-0 í fyrstu umferðinni. Leikurinn á laugardaginn endaði með jafntefli 1-1 þar sem Ekotto skoraði fyrir Tottenham seint í síðari hálfleik, en þegar lítið var eftir tókst WBA að jafna metin. Tottenham voru miklu betri í ca. 85 mínútur í leiknum , en lokamínúturnar voru eign WBA og jöfnuðu þeir leikinn þar verðskuldað. Tottenham er því með 1 stig eftir tvo leiki sem getur ekki talist mjög gott. En þó stigi meira en eftir 2 leiki í fyrra, og þá náði Tottenham fjórða sætinu í deldinni. þannig að það er nóg af stigum eftir í pottinum.
