Tottenham lék við Chelsea á White Hart Lane á fimmtudagskvöldið var og endaði leikurinn með jafntefli 1-1 eftir að Adebayor hafði komið Tottenham yfir. Leikurinn sem slíkur var ekkert sérstakur og líklega sanngjörn úrslit. Þó var smá vafaatriði með mark Chelsea í leiknum og vildu margir meina að dómarinn hefði átt að dæma hendi á Cole þegar hann lagði upp jöfnunarmark Chelsea í leiknum.
Bæði lið fengu færi í leiknum og munaði síðan ekki miklu að Tottenham næði að hirða öll stigin í uppbótartíma þegar Terry bjargaði á línu frá Adebayor , ótrúleg björgun þar á ferð með bakinu !!!
Tottenham byrjaði leikinn af miklum krafti og stjórnaði algerlega leiknum fyrstu 25 mínúturnar eða svo. Fyrsta markið kom strax á 8. mínútu þegar Bale brunaði upp vinstri kantinn og átti frábæra sendingu fyrir sem Adebayor náði að stinga tánni í og skora og staðan 1-0. Áfram hélt Tottenham að sækja og Bale var í essinu sínu og ávalt hættulegur. Það var svo á 23. mínútu sem Chelsea jafnaði, boltinn barst út á vinstri kant til Ashley Cole , VdV renndi sér í boltann og ætlaði að sparka útaf en boltinn fór í höndina á Cole og beint inn í hlaupalínuna hans, hann hljóp nokkra metra áfram og sendi síðan flotta sendingu yfir á fjær þar sem Sturrigde var einn og óvaldaður og skoraði næsta auðveldlega. Eftir jöfnunarmark Chelsea virtist Tottenhamliðið fatast flugið, Chelsea vann sig æ meir inn í leikinn og voru farnir að taka völdin á vellinum. Drogba átti skot í slá og Friedel þurfti að verja.
Í seinni hálfleik hélt Chelsea áfram að stjórna leiknum og fengu nokkur færi , en svo kom annar dramatískur dómur þegar mark var dæmt af Adebayor vegna rangstöðu , en endursýningar sýndu að hann var réttstæður !!
Þegar það voru komnar 86 mínútur á leikklukkuna fékk Chelsea eðalfæri til að komast yfir þegar Ramires fékk frábært færi á markteig, algerlega óvaldaður en skallaði framhjá.
En þetta var ekki búið, og þegar 2. mínútur voru komnar fram yfir venjulegan leiktíma komst Adebayor í gott færi, setti boltann framhjá Cech sem kom út á móti en Terry bjargaði á ótrúlegan hátt á marklínu , renndi sér þegar Adebayor skaut og fékk boltann í bakið og bjargaði marki.
Lokatölur 1-1 og líklega sanngjörn úrslit en kannski átti Tottenham skilið sigurinn þarna í lokin eftir 1 / 2 dómaramistök í leiknum sem voru ansi dýrkeypt mistök.
Lið Tottenham í leiknum :
Friedel – Walker – Gallas – King – Ekotto – VdV ( Pavlyuchenko 46 ) – Modric – Sandro – Parker – Bale – Adebayor
Ónotaðir varamenn : Cudicini – Kaboul – Bassong – Kranjcar – Rose – Livermore
Tölfræði úr leiknum
Með boltann
Tottenham 56% Chelsea 44%
Skot á mark
Tottenham 10 Chelsea 10
Skot framhjá
Tottenham 6 Chelsea 10
Hornspyrnur
Tottenham 7 Chelsea 4
.
.
BÓ
