Á sunnudaginn var fékk Tottenham lið Manchester United í heimsókn á WHL. Sannkallaður stórleikur sem fór þannig að Man. Utd. fór með öll stigin heim eftir 1-3 sigur. Tottenham spilaði vel í þessum leik og áttu sannarlega ekki skilið að tapa , hvað þá 1-3. Mark Tottenham skoraði Defoe.
Tottenham byrjaði leikinn vel á sunnudaginn og réðu gangi leiksins á löngum köflum í fyrri hálfleik án þess þó að skapa sér merkileg færi. Það besta kom þegar Lennon komst upp að endamörkum, gaf hann fyrir á Adebayor á nærstöng sem náði ekki skoti á markið, boltinn féll út í teiginn og þar kom Saha og setti boltann á markið. Adebayor var þá fyrir og fékk boltann í sig og bjargaði um leið á línu.
Adebayor náði samt að koma boltanum í netið en dómarinn hafði dæmt hendi á Adebayor en hann hafði komið lítillega við boltann með hendinni en samt sem áður strangur dómur, sem sjónvarpsmenn SKY héldu einnig fram í hálfleik.
Undir lok fyrri hálfleiks skoraði svo Rooney eftir hornspyrnu frá Young. Staðan í hálfleik 0-1 sem var vægast sagt ósanngjarnt.
Tottenham byrjaði seinni hálfleikinn af miklum krafti og fannst manni að jöfnunarmarkið væri að koma , en í staðinn fyrir að jafna komst Man. Utd. í 0-2 sem var eins og köld vatnsgusa í andlitið. Einbeytingarleysi í vörn Tottenham þegar Man Utd átti saklaust innkast á móts við vítateiginn var dýrkeypt og Nani komst upp að endamörkum og gaf fyrir og eftir smá darraðadans fékk Young boltann og smellti honum af krafti í fjærhornið úr þröngu færi – virkilega flott mark hjá honum. Þetta mark dró verulega af Tottenham og virtist sem liðið næði ekki að komast í gang á nýjan leik. Á 69. mínútu gerði svo Man Utd út um leikinn þegar Young skoraði aftur og þá með langskoti fyrir utan teig sem flaug efst í hornið , óverjandi fyrir Friedel í markinu.
Tottenham skoraði svo eitt mark í lokin þegar Defoe fékk boltann á miðjum vallarhelming Man. Utd og lék í átt að vítateignum og þegar hann var eins og 3-4 metra fyrir utan teig lét hann vaða á nærstöngina og skoraði gott mark.
Leikurinn fjaraði út og lokatölur 1-3 fyrir Man. Utd.
Tottenham var án Parker , Bale og VdV í þessum leik og munaði um minna. Man. Utd sýndu í þessum leik hvað þeir geta verið hættulegir og náði sér í þrjú góð stig án þess að spila vel sem hefur verið algengt hjá þeim á þessari leiktíð.
.
Lið Tottenham í leiknum:
Friedel – Walker – King – Kaboul – Ekotto – Lennon ( Rose 84 ) – Livermore – Sandro ( Kranjcar 80 ) – Modric – Saha ( Defoe 80 ) – Adebayor
Ónotaðir varamenn :
Cudicini – Dawson – Nelsen – Giovani
.
.
Tölfræði úr leiknum
.
Skot á mark
Tottenham 9 Man Utd 5
.
Skot framhjá
Tottenham 9 Man Utd 1
.
Hornspyrnur
Tottenham 7 Man Utd 3
.
Með boltann
Tottenham 57 % Man Utd 43 %
.
.
BÓ
