Tottenham tók á móti West Ham á White Hart Lane í leik helgarinnar. Leikmenn Tottenham eru í hörkubaráttu um 4.sæti deildarinnar en West Ham menn þurfa á stigum að halda enda í bullandi fallbaráttu. Leikmenn Tottenham höfðu yfirhöndina í leiknum og áttu meðal annars 2 skot í stöng í fyrri hálfleik. Í síðari hálfleik sá Green, markvörður West Ham, algjörlega um að halda þeim inni í leiknum með frábærri markvörslu. Leikmönnum Tottenham tókst ekki að koma boltanum í netið að þessu sinni en voru þó traustir í varnarleiknum. Leiknum lauk því með 0-0 jafntefli og skiptu liðin því með sér stigunum. Því miður tókst Tottenham því ekki að minnka bilið í 4.sætið að sinni.
Lið Spurs: Gomes, Corluka (Hutton 78), Gallas, Dawson, Ekotto, Lennon, Sandro, Modric, Bale, Van der Vaart (Pavlyuchenko 72), Defoe. Ónotaðir varamenn: Pletikosa, Bassong, Jenas, Kranjcar, Crouch.
