Tottenham heimsótti Wolves á Molineux leikvanginn í leik helgarinnar. Það voru heimamenn sem náðu forystunni í leiknum á 20. mínútu með marki frá Doyle. Eftir hálftíma leik náði Defoe að jafna metin með fyrsta deildarmarki sínu á tímabilinu. Fimm mínútum síðar skoraði hann annað mark sitt og kom liðinu í 1-2. Wolves menn jöfnuðu svo metin á 41.mínútu með marki frá Doyle úr vítaspyrnu, en Hutton var dæmdur brotlegur. Pavlyuchenko kom svo Tottenham yfir snemma í síðari hálfleik og það leit út fyrir að Tottenham myndi hirða öll stigin úr þessari viðureign. En á 87.mínútu náðu Wolves menn að jafna leikinn með marki frá Fletcher og urðu lokatölur því 3-3 í stórskemmtilegum leik.
Lið Spurs: Gomes, Hutton, Gallas, Dawson, Ekotto, Pienaar (Bale 69), Jenas, Sandro, Modric (Kranjcar 85), Defoe, Pavlyuchenko (Lennon 74). Ónotaðir varamenn: Cudicini, Bassong, Palacios, Crouch.
