Tottenham heimsótti WBA á heimavöll þeirra, Hawthorns í umferð helgarinnar. Tveir nýir leikmenn Tottenham spiluðu sinn fyrsta leik, en það voru þeir William Gallas og Rafael Van der Vaart, en Stipe Pletikosa tók sæti á bekknum. Leikmenn Tottenham byrjuðu leikinn mun betur og á 27. mínútu skoraði Modric fyrsta mark leiksins. Modric þurfti svo að fara meiddur af velli stuttu síðar. Undir lok fyrri hálfleiks náðu þó WBA menn að jafna leikinn með marki frá Brunt eftir vandræðagang í vörn Tottenham. Bæði lið áttu góðar tilraunir í síðari hálfleik en hvorugu tókst að skora og því deildu liðin með sér stigunum og lokastaðan 1-1.
Lið Spurs: Cudicini, Corluka, Gallas, Kaboul, Bale, Lennon (Crouch 77), Huddlestone, Palacios, Modric (Kranjcar 32), Van der Vaart, Pavlyuchenko (Keane 64). Ónotaðir varamenn: Pletikosa, Ekotto, Bassong, Jenas.
