Tottenham krækti sér í þrjú mikilvæg stig eftir sigur á Aston Villa á White Hart Lane í umferð helgarinnar. Villa menn byrjuðu betur og náðu forystu eftir rúmlega stundarfjórðungs leik með marki frá Albrighton. Bæði lið áttu svo ágætisfæri en á síðustu mínútu fyrri hálfleiks náði Van der Vaart að jafna leikinn. Pavlyuchenko gaf háan bolta inn í teiginn á Crouch sem skallaði fyrir markið á Van der Vaart sem skallaði boltann í netið. Ein breyting var gerð í hálfleik, Lennon kom inná fyrir Pavlyuchenko. Bæði lið sóttu stíft í seinni hálfleik og áttu góð færi til að komast yfir í leiknum. Á 75.mínútu náðu Tottenham menn loksins forystu í leiknum og enn á ný voru það Crouch og Van der Vaart. Lennon gaf háa sendingu inn í teiginn á fjarstöngina þar sem Crouch skallaði boltann fyrir markið og Van der Vaart þrumaði honum í netið. Staðan 2-1 og fleiri urðu mörkin ekki.
Lið Spurs: Gomes, Hutton, Huddlestone, Bassong, Ekotto, Van der Vaart (Sandro 89), Jenas, Modric (Palacios 77), Bale, Crouch, Pavlyuchenko (Lennon 46). Ónotaðir varamenn: Cudicini, Corluka, Kranjcar, Keane.
