Síðasti leikur Tottenham í deildinni fór fram sunnudaginn 6. nóvember og var leikið gegn Fulham á Craven Cottage. Lokatölur voru 1-3 Tottenham í vil þar sem Fulham voru betri aðilinn í leiknum en lið Tottenham fór með stigin þrjú heim engu að síður. Bale , Lennon og Defoe skoruðu mörk Tottenham í leiknum.
Leikurinn var ekki nema um 10 mínútna gamall þegar Tottenham skoraði fyrsta markið. Eftir gott spil Tottenham , fékk Lennon boltann hægra megin í vítateignum og átti frábæra fyrirgjöf sem markvörður Fulham náði að koma hendi í , boltinn fór til Bale sem tók við boltanum og þrumaði í markið með viðkomu í varnarmanni úr þröngu færi. Flott mark hjá Tottenham. Fulham menn voru hættulegir fram á við , en Friedel í marki Tottenham var vandanum vaxinn og varði allt sem á markið kom. Það var svo undir lok fyrri hálfleiks sem Tottenham komst í 0-2 með marki Lennon. Lennon og Bale spiluðu frábærlega upp vinstri kantinn sem endaði á því að Lennon kom á fullri ferð inn í teiginn með varnarmann fyrir framan sig , fíflaði varnarmanninn upp úr skónum og skoraði með góðu vinstri fótarskoti í fjærhornið algerlega óverjandi.
Fulham byrjaði seinni hálfleikinn af krafti og fengu urmul af færum en ekki tókst þeim að skora. Svo kom að því að á 57. mínútu að Kaboul varð fyrir því óláni að skora sjálfsmark og minnkaði þar með muninn í 1-2. Áfram hélt Fulham að sækja og jöfnunarmarkið lá í loftinu. Friedel bjargaði oft og mörgum sinnum og eins bjargaði King frábærlega á línu í eitt skiptið. Fulham átti einnig að fá víti í lokin þegar Walker handlék boltann þar sem hann lá á vellinum , en ekkert var dæmt. Það var svo algerlega gegn gangi leiksins að Defoe skoraði rétt fyrir leikslok eftir góðan undirbúning Adebayor og gulltryggði stigin þrjú.
Tottenham spilaði nokkuð vel í fyrri hálfleik, en í þeim síðari sáu þeir varla til sólar og hreint með ólíkindum að liðið skyldi vinna þennan leik, en stigin þrjú tökum við með glöðu geði.
Maður leiksins án nokkurs vafa var Friedel í markinu sem varði að ég held einhverja 12 bolta.
Lið Tottenham í leiknum :
Friedel – Walker – Kaboul – King – Ekotto – Lennon ( Sandro 78 ) – Parker – Modric – Bale – VdV ( Defoe 66 ) – Adebayor
Varamenn : Cudicini – Bassong – Corluka – Livermore – Pienaar.
Tölfræði úr leiknum.
Með boltann
Fulham 53 % Tottenham 47 %
Skot á mark
Fulham 20 Tottenham 8
Skot framhjá
Fulham 6 Tottenham 0
Hornspyrnur
Fulham 11 Tottenham 1
Eins og sést á þessari tölfræði, þá áttu Fulham menn miklu fleiri færi og sóttu ansi stíft í leiknum. En svona er víst boltinn og oftar en ekki hefur Tottenham verið í sömu sporum og Fulham í þessum leik gegn lakari liðum deildarinnar. Miklu betri en tapa svo , eða gera jafntefli.
Svo er þetta leiðinlega landsleikjahlé loksins á enda … og næsti leikur Tottenham er heimaleikur gegn Aston Villa á mánudagskvöld.
.
BÓ
