Fyrir nokkru var haldið upp á samstarfsamning Tottenhamklúbbsins og Express Ferða í Ölveri. Við það tækifæri rituðu forsvarsmenn Express Ferða og stjórn Tottenhamklúbbsins á Tottenham treyju nöfn sín. Samstarfið var kynnt og bornar fram veitingar eins og sjá má á myndum hér á næstu síðu.

Í dag var dregið í Fulham miða leiknum sem við stóðum fyrir. Málið var að einn af þeim sem væru búnir að ganga frá ferðinn á Fulham leikinn, sem við förum á í samvinnu við Express Ferðir, fyrir 1. september fengi miða frítt á völlinn. Sá heppni heitir Gabríel Reynisson. Við munum setja okkur í samband við hann varðandi vinninginn. Til hamingju með það.
Enn eru nokkur sæti laus, en það þarf að hafa hraðar hendur með að skrá sig í ferðina því það er stutt í brottför.  

Leikmannahópur Spurs fyrir fyrri hluta tímabilsins a.m.k. hefur verið fullskipaður eftir annasaman lokadag félagaskiptagluggans. Fest voru kaup á 2 nýjum leikmönnum, þeim Steed Malbranque og Pascal Chimbonda samtals fyrir 8 milljónir punda.

”Egyptski sóknarmaðurinn Mido sem var í láni hjá Spurs í 18 mánuði síðustu 2 ár er genginn til liðs við félagið frá Roma. Ekki var neitt gefið upp um kaupverðið en leikmaðurinn á þó ennþá eftir að fá atvinnuleyfi.

Í tilefni af samningi Tottenhamklúbbsins og Exprss Ferða efnum við til leiks til að fjölga skráðum félögum í Tottenhamklúbbnum. Þeir sem skrá sig í klúbbinn og borga fyrir 9. september nk. fara í pott og dreginn verður einn einstaklingur úr þeim potti. Sá fær gjafabréf frá Express Ferðum. Það er því um að gera að drífa í að skrá sig.

Eftir góðan fyrri hálfleik gegn Sheff. Utd. og sæmilegan seinni hálfleik áttu héld ég flestir von á að Everton yrðu auðveld bráð sem fyrr. En því miður kom enn einu sinn Tottenham lið fyrri ára í þennan leik og varð sér til háborinnar skammar.