Gareth Bale valinn bestur í apríl

Gareth Bale hefur verið útnefndur leikmaður aprílmánaðar í ensku úrvalsdeildinni. Bale sem er aðeins tvítugur hefur verið hreint út sagt magnaður í apríl og leikið varnir mótherja okkar grátt oft á tíðum. Eftir mikla markaþurrð hjá Bale skoraði Bale loks gegn erkiféndunum í Arsenal og skoraði svo annað mark í næsta leik á eftir gegn toppliði Chelsea. Bale er því vel að titlinum kominn og óskum við honum til hamingju með árangurinn.