Mido er eini leikmaður Tottenham sem er tæpur fyrir leik helgarinnar gegn Manchester Utd. á Old Trafford. Hann hefur verið lykilmaður í liði Spurs á þessu tímabili og þegar hann hefur ekki verið með, þá hafa Spurs ekki unnið. Það lítur nú út fyrir að hann sé aðalsóknarmaður liðsins og að það sé spurning um hver spili með honum. Hann hefur spilað frábærlega það sem af er tímabilinu og skorað 3 mörk í deildinni, eins og Defoe.
„Mido á við smávægileg meiðsli að stríða,” sagði Martin Jol, en taldi samt að hann yrði til í slaginn á laugardag.
