Tottenham tilkynnti fyrir stuttu að félagið hefði komist að samkomulagi við Barcelona um kaup á Giovani Dos Santos og muni hann skrifa undir að lokinni læknisskoðun ef samningar nást við leikmanninn sjálfan. Dos Santos hefur sjálfur gefið það út að hann muni spila fyrir Spurs á næstu leiktíð og Barcelona staðfesti á heimasíðu sinni í morgun að kaupverðið væri um 5 milljónir punda en gæti hækkað upp í 9 milljónir punda eftir árangri. Dos Santos er einungis 19 ára en mjög efnilegur miðjumaður. Hann er frá Mexíkó en hefur einnig spænskt ríkisfang og þarf því ekki atvinnuleyfi í Englandi.
Við bjóðum Giovani Dos Santos velkominn til Tottenham!
