Finninn Teemu Tainio kom til Spurs sumarið 2005 frá Auxerre í Frakklandi. Hann átti mjög gott fyrsta tímabil hjá félaginu en hefur átt við meiðsli að stríða á þessu tímabili.

Tainio er afar fjölhæfur miðjumaður sem leggur sig ávallt 100% fram.

Írski snillingurinn Robbie Keane kom til Tottenham frá Leeds í ágúst 2002. Robbie varð strax einn vinsælasti leikmaður félagsins og er enn mikils metinn á White Hart Lane.

Keane er einnig markahæsti leikmaðurinn í sögu írska landsliðsins og jafnframt fyrirliði landsliðsins.

Kanadamaðurinn Paul Stalteri átti fast sæti í liði Spurs á síðasta tímabili. Meiðsli hafa aftur á móti haldið aftur af honum á nýju tímabili.

Hann er hins vegar reyndur og góður maður til að hafa í hópnum.

Michael Dawson hefur á skömmum tíma orðið einn af lykilmönnum liðsins. Hann kom til félagsins í janúar 2005, ásamt Andy Reid.

Dawson hefur verið valinn í enska landsliðið og sýnir það hve miklum framförum hann hefur tekið.

Lee Barnard var markahæsti leikmaður varaliðsins tímabilið 2005-06. Hann lék einnig sinn fyrsta leik fyrir aðalliðið á því tímabili þegar hann kom inn á sem varamaður.

Lánstímabil hjá neðrideildarliðum hafa hjálpað "Barney" mikið.

Fyrirliði Tottenham, Ledley King, hefur fest sig í sessi sem einn af sterkustu varnarmönnum Englendinga.

Ledley er uppalinn hjá Spurs og er sá leikmaður sem lengst hefur verið hjá félaginu, eða frá 1998.

Meiðsli hafa stundum hrjáð King, en heill heilsu er hann órjúfanlegur hluti liðsins.

Defoe var keyptur til Spurs fyrir 7 milljónir punda í janúar 2004.

Hann hóf feril sinn hjá Spurs með látum og skoraði eftir aðeins 15 mínútur af fyrsta leik sínum.

Enginn efast um hæfileika litla Englendingsins, en þó hefur hann mátt þola vonbrigði með landsliðinu oftar en einu sinni.

JJ, eins og hann er kallaður, kom til Spurs í upphafi tímabilsins 2005-06.

Það tók hann nokkra leiki að venjast leik liðsins en eftir það efaðist enginn um hæfni hans.

Hann skoraði 7 mörk á fyrsta tímabili sínu með Spurs og það fyrsta úr glæsilegri aukaspyrnu á Old Trafford.