Dorian kom til Spurs 2006 og hefur leikið mikið í vörn varaliðsins þar sem hann hefur staðið sig með prýði.

Dervite lék sinn fyrsta leik fyrir aðalliðið í Deildabikarnum haustið 2006.

Dimitar var keyptur til Spurs fyrir tímabilið fyrir 10,9 milljónir punda. Miklar væntingar eru bundnar við stóra Búlgarann og hefur hann ekki valdið vonbrigðum.

Hann hefur strax fest sig í sessi sem einn af hættulegustu sóknarmönnum ensku deildarinnar.

Didier var keyptur til Spurs fyrir þetta tímabil. Hann var talinn vera einn af betri miðvallarleikmönnum á HM í Þýskalandi.

Zokora er líka afar teknískur og fimur miðjumaður sem á það til að koma langt fram á völlinn með boltann.

Benoit kom til Spurs fyrir núverandi tímabil og varð strax fastamaður í liðinu. Hann mun þó þurfa að berjast við Lee um sæti í liðinu.

Sterkasta hlið Ekotto er hraðinn sem hann býr yfir en það kemur sér vel gegn snöggum kantmönnum.

Egyptski landsliðsmaðurinn Hossam Ghaly gekk til liðs við Spurs í janúar 2006.

Hann festi sig í sessi í aðalliðinu í upphafi tímabilsins eftir að hafa verið meiddur frá því að hann kom til félagsins.

Lee kom til Spurs í upphafi síðasta tímabils og var fastamaður í liðinu allt tímabilið.

Lee er afar teknískur leikmaður sem fær oft að sækja langt fram í leikjum. Hann þarf nú að berjast meira fyrir sæti sínu í liðinu.

Tom Huddlestone er einn af efnilegustu leikmönnum Englands. Hann hefur leikið fjölmarga leiki fyrir U-21 árs liðið þrátt fyrir að vera aðeins 19 ára.

Tom hefur á skömmum tíma orðið mjög vinsæll meðal stuðningsmanna Spurs en spilamennska hans er mjög þroskuð þrátt fyrir unga aldur.