Nú klukkan 20:00 verður sýndur þátturinn Liðið mitt sem er þáttur stuðningsklúbbana. Endilega kíkið á hann.

Fredi Kanoute er að fara frá okkur til Sevilla á Spáni. Þetta var tilkynnt á heimasíðu Tottenham rétt áðan. Fredi hefur komist að samkomulagi við þá og á að eins eftir að standast læknisskoðun. Hann var keyptur frá West Ham fyrir tímabilið 2003-04 og lék 72 leiki með okkur og skoraði í þeim 21 mark. Við óskum Fredi velfarnaðar á nýjum slóðum og þökkum honum fyrir veru hans hjá okkur.

Mörk frá Ifil og Johnnie Jackson tryggðu varaliðinu sætan sigur á varaliði Chelsea. Við vorum betra liðið allan tímann. Emil var í byrjunarliðinu en var skipt útaf á 70. mínútu. Brown lék 45. mínútur en hann hefur verið meiddur. Varaliðið heur þá unnið báða leiki sína.

Eins og þið kannski vitið nú þegar ætlar Enski boltinn að hafa klukkutíma þátt á fimmtudagskvöldum þar sem stuðningsklúbbarnir munu sjá um dagskrárgerð. Við munum sjá um þátt sem sendur verður út fimmtudaginn 8. september og svo á sirka 7. til 8. vikna fresti í vetur. Við viljum heyra í klúbbmeðlimum og Spursurum sem hefðu áhuga að vinna með okkur í þessu verkefni. Þið sem hafið áhuga sendið mér tölvupóst á haraldurj@ruv.is og ég mun hafa samband.

Í dag laugardag hófst loksins langþráð sparktíð. Við mættum Portsmouth og höfðum sigur 0-2. Fyrra markið var sjálfsmark þegar varnarmaður Portsmouth var að reyna að ná boltanum á undan Mido en renndi honum þess í stað fram hjá markmanninum og í netið. Seinna markið gerði Defoe og var það vel gert.

Er meiðsla krísan að taka við sér á ný. Nú er tilkynnt að Edgar Davids hafi meitt sig á hné á æfingu og geti ekki verið með í fyrstu leikjum tímabilsins. Hann bætist þá í hóp þeirra King, El Hamdaoui og Sean Davis. Robinson er þó orðinn góður af sínum meiðslum.

Í tilefni opnunar Enska boltans er stuðningsmönnum og fjölskyldum þeirra boðið á Rauða ljónið og Eiðistorg laugardaginn 13. ágúst frá kl. 11:00.  Sjá meira um það hér.

Martin Jol hefur skýrt frá því að Ledley King muni missa af fyrsta leiknum í deildinni vegna meiðsla í nára. Þetta eru sömu meiðsli og hindruðu hann í að spila gegn Porto. Jol vonar að ekki þurfu að skera Ledley upp og hann verði kominn á fullt eftir eina til tvær vikur.

Varalið Tottenham mætti varaliði Watford í fyrsta leik varaliðsdeildarinnar í gær mánudag. Leikurinn fór fram á heimavelli varaliðsins Bradhall Way, Stevenage. Við unnum leikinn 4-1 með mörkum frá Kanoute, Lennon, Davenport og Barnard.

Síðasti æfingarleikur Tottenham var leikinn nú í dag. Þá mættum við fyrrum Evrópumeisturum Porto frá Portúgal.