Fimm af leikmönnum Tottenham hafa verið valdir í landsliðshóp Englendinga fyrir landsleik þeirra gegn Argentínu næstkomandi laugardag í Sviss. Þeir Paul Robinson, Ledley King, Michael Carrick, Jermaine Jenas og Jermain Defoe voru allir valdir í hópinn.

Stephen Kelly varð fyrir því óláni á æfingu í vikunni að nefbrotna, þegar hann lenti í samstuði við Jamie O’Hara, en hann er samt staðráðinn að vera með gegn Bolton á mánudaginn.

Martin Jol hefur þvertekið fyrir það að hann muni selja marga leikmenn í janúar. Nokkrir leikmenn liðsins hafa undanfarna daga verið orðaðir við önnur félög en Jol segir að hann muni ekki selja þá og vilji halda þeim hópi sem hann hefur.

Nú er komið að fimmta og jafnframt síðasta hlutanum af viðtalinu við Paul Robinson. Í þessum hluta viðtalsins talar hann t.d. um hvernig dæmigerður leikdagur sé hjá sér og hvað sé besta mark sem hann hefur séð.

Þá er komið að fjórða hluta viðtalsins við Paul Robinson. Í þessum hluta ræðir hann um keppnisskapið, besta völl sem hann hefur leikið á, samband sitt við Chirpy og hvaða leikmann Spurs hann gæti helst hugsað sér að sjá í hringnum með Roy Keane. Fimmti og síðasti hluti viðtalsins birtist síðan á morgun.

Hér kemur þriðji hlutinn af viðtalinu við landsliðsmarkvörð Englendinga, Paul Robinson. Í þessum hluta viðtalsins ræðir hann m.a. um hver sé besta markvarslan sín og hver sé skotfastasti leikmaður Spurs.

Þá er komið að öðrum hluta viðtalsins við Paul Robinson. Í þessum hluta viðtalsins ræðir hann um komu sína til Tottenham, átrúnaðargoð sitt frá yngri árum, möguleika Englendinga á heimsmeistaramótinu á næsta ári og sitthvað fleira.

Wayne Routledge er byrjaður að geta hlaupið á ný eftir meiðsli sem hann hefur þjáðst af síðastliðna mánuði. Eins og flestir vita meiddist hann í fyrsta leik tímabilsins gegn Portsmouth en hann hefur ekki sprakað í bolta síðan þá.

Paul Robinson var valinn leikmaður síðasta tímabils af íslenskum aðdáendum Spurs og er það ekki af ástæðulausu. Hann er búinn að standa sig frábærlega síðan hann kom til félagsins og hefur þróað frábær tengsl við aðdáendur Spurs. Í þessu langa viðtali, sem mun birtast hér á næstu dögum, talar Paul um allt frá lengdinni á markspyrnum sínum til þess hver hermir best eftir Martin Jol.

Martin Jol segir að ef liðið hefði bætt öðru marki við í leiknum gegn Arsenal hefði sigurinn verið öruggur. Jol sagði að fyrri hálfleikurinn hefði verið nánast fullkominn en Spurs áttu leikinn í fyrri hálfleik og leiddu 1-0 í hálfleik.